E’ trasuta e s’è stennuta ncopp ‘o fierro d’a ringhiera d’ ‘o balcone; e c’ ‘o naso nfacci ‘e llastre po’ c’ ‘a fronte e po’ c’ ‘a faccia, se smerzava, se girava, s’avutava ‘a ccà e ‘a llà, pe’ da’ n’uocchio dint’ ‘a casa.
Ll’aggio vista, aggio araputo: “Finalmente si’ turnata! Trase, trase!” Essa è trasuta.
S’è menata longa longa p’ ‘e riggiole, s’ ‘e mpezzata sott’ ‘e pporte ‘e ll ‘ati stanzee, senghe senghe s’è mpezzata. Che t’ha fatto nfacci’ ‘e mure, che friscura c’ ‘a purtato tuorno tuorno for’ ‘a loggia mmiez ‘e ppiante! A migliare ll’uocchie ‘e luce ‘a miez’ ‘e ffronne se menaveno pe’ terra.
Nun er’ essa? No? E chi era? Nun er’ essa…. E che, so scemo?
Io me sento n’atu ttanto quanno trase primmavera!
stupenda poesia, rende benissimo lo stato d’animo di molti.
Ciao bella
Ciao, benvenuta nella “nuova casa” 😉